تقنية ببساطة.. التحول الرقمي والبنية التحتية| بقلم مي عمر شعبان

بروباجنداآخر تحديث : الأربعاء 15 يوليو 2020 - 6:04 صباحًا
تقنية ببساطة.. التحول الرقمي والبنية التحتية| بقلم مي عمر شعبان

اتكلمنا في المقال السابق عن معني التحول الرقمي.. وايه أهدافه و استخداماته؛ وايه تطبيقاته اللي هتغير ف حياتنا كتير.. بس يا ترى؛ ازاي الفكرة دي بتطلع للجمهور والمستخدمين؛ وايه هي الشبكات اللي بيتم استخدامها لاطلاق الخدمة ؟، تعالوا نشوف.

كتير بنسمع عن مصطلح مراكز البيانات أو الـ Data Centers، أولى خطوات التحول الرقمي في مصر، هو ببساطة.. مكان ضخم، عادة بيتكون من مباني متجاورة، بيستضيف ويشغل الخوادم Servers ومعدات الشبكة Network Devices وخطوط الاتصال Telecom Connections.

يعني بيتم توفير بيئة مناسبة لاستضافة المواقع WEB Hosting أو البرمجيات الضخمة Big Data التي بتتطلب تواجد على الإنترنت على مدار الساعة من غير انقطاع تماما؛ عشان كده مراكز البيانات لازم يكون فيها أنظمة تبريد هائلة وأنظمة مضادة للحرائق وبطاريات بتشتغل بكفاءه بدون توقف لو انقطعت الكهرباء.. واللي بدوره بيستلزم تجهيز مراكز البيانات بأكثر من مصدر للطاقة وخطوط ربط (للانترنت) عشان نضمن عدم انقطاع الخدمة أو الطاقة عن الأجهزة الموجودة فيها؛ وكمان ضروري انها تحتوي على أجهزة تأمين اللي هتمنع وصول المخربين إلى للانظمة.

تعالوا بقي نشوف.. ايه هي انواع مراكز البيانات دي وايه دور كل نوع في خدمة العميل ..

•مركز البيانات (الخاص) :

النوع ده بيخدم مؤسسة واحدة زي الشركات أو البنوك أو الوزارات، وبيستخدم للربط بين فروع المؤسسة؛ وبيحفظ بيانات المؤسسة بشكل خاص.

•مركز البيانات (شركات استضافة المواقع / العامة) :

النوع ده متخصص في استضافة مواقع الإنترنت العامة Public Web، وبتكون غالبًا بمساحات ضخمة وهائلة عشان تستوعب أكبر عدد ممكن من الخوادم المخصصة للاستضافة Hosting Servers نظرا لحجم البيانات اللي هيشتغل عليها.

طبعا فيه شركات زي جوجل وفيسبوك ومايكروسوفت وأمازون وغيرها من الشركات عندها داتا سنتر خاصة بيها بتقوم باستضافة بياناتها وبيانات مستخدمي مواقعها، عشان تضمن سلامة البيانات وسريتها وعدم حصول شخص هاكرعليها، وحمايتها من الاختراق.

عاوزة اقولكم.. ان الشركات المتخصصة في المجال ده بتتنافس بشده عشان يبقي في مصر مراكز بيانات عملاقة تخدم المنطقة العربية، ونقدر كمان نصدر الصناعة دي للخارج حسب توجه الحكومة.. واللي أعلن في كل مؤتمرات التحول الرقمي.

أما عن الخدمات الجاهزة النهارده في مشروع التحول الرقمي واللي بدأ بمحافظة بورسعيد باغسطس الماضى، فهى خدمتين للتموين و9 خدمات لمكاتب التوثيق و5 خدمات للتوثيق الإلكترونى للزواج وطلب مستخرج رسمى لوثيقة الطلاق وخدمتين لمحكمة الأسرة.

المقالة الجايه.. من سلسلة تقنية ببساطه.. هشرح فيها مصطلح مهم جدا يعتبر العمود الفقري للخدمات المقدمة من خلال مراكز البيانات النهارده .. ” الحوسبة السحابية – Cloud Computing”.

رابط مختصر
2020-07-15 2020-07-15
أترك تعليقك
0 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة بروباجندا الالكترونية وهي تلزم بمضمونها كاتبها حصرياً.

بروباجندا